Families of war victims and Disabled people were helped In Nangarhar province

ننګرهار کې جګړه ځپلو کورنیو او معلولیت لرونکو وګړو ته عاجلې مرستې ووېشل شوې

د ننګرهار ولایت د شهیدانو او معلولینو چارو آمریت د کمک موسسې په همکارۍ له ۴۲ جګړه ځپلو کورنیو او معلولیت لرونکو وګړو سره عاجلې لویې او کوچنۍ مرستې ترسره کړې.

دا مرستې د ننګرهار ولایت د شهیدانو او معلولینو چارو د آمر ښاغلي حاجي محمد اکبر له لوري پر مستحقو کسانو په شفاف او عادلانه ډول ووېشل شوې. د مرستو په هره کڅوړه کې بېلابېل توکي شامل او د هرې کڅوړې ارزښت ۱۲۱۶۶ افغانۍ و.

په لویو مرستو کې غواګانې شامل وې او اتو کورنیو ته د دوی په خوښه یوه، یوه غوا چې بیه ۲۴۰۰۰ افغانۍ کېږي، ورکړه. د ټولو غواګانو ټولیز قیمت ۱۹۲۰۰۰ افغانۍ شو.

یوې کورنۍ سره د موبایل جوړونې د وسایلو مرسته، چې بیه یې ۳۲۹۳۱ افغانۍ کیږي، ترسره شوه.

بلې کورنۍ سره د ۲۸۷۷۵ افغانیو په ارزښت د بایسکل جوړونې د وسایلو مرسته او درې کورنیو سره د جامو ګنډلو د ماشینونو مرسته ترسره شوه.

د مرستې د وېش پر مهال د ټولو نهادونو مسولین موجود وو.

د انځوریز راپور د کتلو لپاره دلته کلیک وکړئ.