د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو چارو وزارت د رهبرۍ شورا غونډه د یاد وزارت د سرپرست وزیر ښاغلي ملا عبدالمجید آخوند په مشرۍ د تخنیکي او مسلکي چارو مرستیال ښاغلي مولوی عبدالرزاق آخوند، د شهیدانو او معلولینو چارو مرستیال ښاغلي شیخ صاحب عبدالحکیم حقاني، د مالي او اداري چارو عمومي رییس ښاغلي مولوي کلیم الله افغان او د اړوندو څانګو د رئیسانو په شتون کې ترسره شوه.
د ننۍ غونډې موضوعات چي د شهیدانو او معلولینو چارو وزارت د مالي او اداري چارو عمومي رییس ښاغلي مولوي کلیم الله افغان لخوا غونډې ته وړاندې کړل شو، په کې د معلولیت لرونکو او د شهیدانو کورنېو ته د حقوقو د ورکړۍ په اړه بحث وشو، همدارنګه په ولایتونو او مرکز کې هغوې ته د کارټونو د جوړونې پر څرنګوالي او د (م-۴۰ ) کتابچې (چي په هغې کې د شهیدانو او معلولیت لرونکو وګړو ځانګړتیاوې لیکل کیږي) پر چمتو کولو یې هم خبرې اترې وشوې، او د غونډې په پای کې د فلجیانو او لاوارثه یتیمانو د پالنې په مرکز کې د فلجیانو د استوګنځي لپاره د اعاشې او اباتې اړتیاو پر برابرولو هر اړخیزې خبرې اترې وشوې او د یادو ستونزو او مسائلو د څیړلو په موخه لازمې لارښوونې او سپارښتنې ورکړل شوې.