د شهیدانو ورثی او معلولینو د اسنادو بیاکتنې بهير به ژر بشپړ شي
د شهیدانو ورثی او معلولینو د اسنادو بیاکتنې بهير به ژر بشپړ شي
د شهیدانو او معلولینو چارو سرپرست وزير ښاغلي حمیدالله فاروقي د اسنادو او وثيقو د سمونې او ارزونې کمیټې غړو سره کاري ناسته وکړه.
ښاغلي فاروقي د سترې محکمې، لویې څارنوالۍ، احصایې او معلوماتو او ملي امنیت ادارو له همکاریو ستاینه او مننه وکړه او د اسنادو په رڼه توګه ارزونه، بیاکتنه او د فساد پر مخنیوي یې ټینګار وکړ.
نوموړي، د اسنادو سمونې او بیاکتنې کمیټې له غړو سره د جمهور رئيس لارښوونې شریکې کړې او د اسنادو ارزونه او د جعلي اسنادو مخنيوی يې ددې وزارت اصلي برنامې او لومړيتوبونه وګڼل.
د سترې محکمې او لويې څارنولۍ استازو هم د شهیدانو ورثې او معلولینو اسنادو د چمتو کولو پر څرنګوالي، د اسنادو د تشخيص او د تجهیزاتو او امکاناتو د کمښت په هکله خبرې وکړې او زياته يې کړه، چې د اسنادو سمونې او بياکتنې کميټې، ډیرۍ اسناد ارزولي او پاتې نور اسناد به د ۱۴۰۰ ھ ل، کال په لومړيو کې وارزول شي.
د ناستې په پای کې د شهیدانو او معلولینو چارو وزارت همکارانو ته لارښوونه وشوه چې له اړونده ادارو سره د غوره همغږۍ رامنځته کولو لپاره کاري ناستې زياتې کړي، ترڅو ياد بهير ژر تر ژره بشپړ شي.
