په زابل ولایت کې (۱۰۰) تنو مستحقو یتیمانو ته نغدي مرستې ووېشل شوې
د زابل ولایت د شهیدانو او معلولینو چارو ریاست د یتیمانو د ملاتړ په موخه، د نداء الخیر مؤسسې په مالي ملاتړ پر (۱۰۰) تنو مستحقو یتیمانو باندې نغدي مرستې ووېشلې، چې هر مستحق څه باندې (۴) زره افغانۍ ترلاسه کړې.
د زابل ولایت د شهیدانو او معلولینو چارو رئیس محترم مولوي سید فضل الدین آغا حامد له مرسته کوونکې مؤسسې څخه مننه وکړه او زیاته یې کړه چې یاد ریاست د هر هغه خیریه بنسټ او مرستندویه مؤسسې هرکلی کوي چې د یتیمانو، کونډو او معلولینو لپاره مرستې برابروي او د هغوی لاسنیوی کوي.
